KHEWRA (The Land of Dignity)

پاک چائنہ انڈسٹریل زون کھیوڑہ ، پنڈدادنخان ، جلالپور اور ان سے منسلک اضلاع کیلیے بہت ہی اہم ترقیاتی منصوبہ کی حثیت رکھتا ہے- ایک لاکھ چھ ہزار ایکڑ پر بننے والا یہ منصوبہ ضلع جہلم کی تاریخ کو بدلنے میں نہایت اہم کردار ادا کرے گا- اس کے قیام سے نہ صرف لاکھوں خاندانوں کو روزگار کے مواقع میسر ہوں گے بلکہ علاقہ کی ترقی میں بھی خاطر خواہ اضافہ ہو گا- لحمہ فکریہ یہ ہے کہ اس خواب کو حقیقت کا رنگ کون دے گا

• کچھ لو اور دو کی سیاست کو فروغ دینے والے مفاد پرست وڈیرے ہر طرح کے ہتھکنڈے استمعال کر کے اس سکیم کو ناکام کرنے کی بھرپور کوشش میں سرگرم عمل ہیں- دوسرے اضلاع سے منتقل ہونے والے اس ترقیاتی پروجیکٹ کے تحت علاقے کی معدنیات کا صیح معنوں میں استعمال کر کے ملک کے ریونیو میں اضافہ کیا جا سکتا ہے- مگر جانے کیوں کچھ سیاستدانوں اور وڈیروں کیلے چند روپوں کی زمین ہزاروں غویبوں کی بھوک اور جان سے زیادہ اہمیت رکھتی ہے-

اس میگا پروجیکٹ کے تحت علاقہ میں جدید ترین انڈسٹریل پلانٹس سے علاقے میں موجود معدنیات نمک ، کوئلہ ، جپسم اور چونے کا پتھر وغیرہ کے صیح معنوں میں استعمال کو اہم بنایا جائے گا- فوٹو گرافک سروے کے مطابق تحصیل پنڈدادنخان میں پاک چائنہ انڈسٹریل سٹیٹ کا قیلم ہر لحاظ سے ممکن ہے مگر چند شرپسند عناصر اس کے تفصیلی زمینی سروے میں روکاوٹ بن کر ہماری تحصیل کو ترقی کے میدان سے پچھے دھکیلنے میں اپنی تمام تر کوششیں جاری رکھے ہوئے ہیں اور دوسری طرف چند سیاسی جماعتیں اس انڈسٹریل زون کے قیام کو علاقے کی غریب عوام کا حق سمجھتی ہیںجن میں “پاکستان تحریک انصاف“ سر فہرست ہے- ضلع جہلم کی اس پسماندہ تحصیل پنڈدادنخان میں پاک چائنہ انڈسٹریل سٹیٹ سے علاقہ کی بےروزگاری میں زبردست کمی آئے گی- اس کے قیام سے نہ صرف غربت بلکہ علاقہ میں موجودہ سابقہ پانی ، بجلی ، صفائی اور صحت جیسے دیگر مسائل کو حل کرنے کے مواقع بھی میسر آئے گے-

• “سب سے اہم اور ضروری بات یہ کہ یہ انڈسٹریل زون تحصیل پنڈدادنخان کو ضلع کا درجہ دینے میں اک اہم سنگ میل کا کردار ادا کرے گا جسکی کوششوں میں علاقہ کی عوام کافی عرصہ سے ہمہ تن جوش ہے“

خدایا ! ملک کے اندھے حکمرانوں سے ہر غریب کی التجا ہے کہ اپنی جیبوں کو بھرنے سے فرصت لے کر غریب عوام کی سسکیوں کے بارے میں بھی سوچا جائے اور موجودہ لوٹ گھسوٹ کی سیاست کو ختم کر کے ملکی مفاد کومد نظر رکھا جائے- اونچے اعوانوں میں بیٹھنے والے یہ مت بھولیں کہ جس غریب کا ووٹ انھیں اونچی سے اونچی کرسی پہ بٹھا سکتا ہے تو اسی غریب کا احتجاج اس کرسی سے زمین پہ بھی لا سکتا ہے-